Las pendicularas Motta Naluns pondereschan da surprender ad interim la gestiun da l'hotel Schweizerhof a Vulpera. Quai per evitar che l’hotel fiss serrà durant l’enviern che vegn. Quai ha ditg il president dal cussegl administrativ Andri Lansel envers RTR. Ils giasts dal Robinson Club Schweizerhof portian entradas da radund 750’000 francs a las pendicularas. Perquai vulan las pendicularas reagir per almain sminuir la perdita.
Las pendicularas n’instradeschan dentant betg autras mesiras en il mument. Las investiziuns planisadas sco la sutgera da Prui a Clünas vegn realisada sco planisà.
RR novitads 06:00