A S-chanf duess vegnir instradada in’ulteriura inquisiziun administrativa. Quai ha decidì la suprastanza communala. Questa giada duess vegnir examinada la deponia Bos-chetta Plauna. Quai suenter ch’ins aveva fatg l’onn passà gia in'inquisiziun administrativa da la gestiun forestala e da la resgia. Quai ha confermà il president communal Riet Campell. Sco emprim stoppian els ussa trair en offertas per questa inquisiziun.
L’emprim’inquisiziun aveva demussà tschertas irregularitads en la gestiun forestala e da la resgia.
Sche las duas inquisiziuns hajan insatge da far ina cun tschella na vegn betg commentà. Enconuschent è che la deponia sco era la resgia suttastevan al medem manader.