Siglir tar il cuntegn

Header

cuntegn

Engiadina S-chanf: Gian Fadri Largiadèr suonda a Duri Campell

Gia tar l’emprim scrutini dals 30 d'october, aveva Gian Fadri Largiadèr fatg las pli bleras vuschs. Ma 123 vuschs n'eran betg avunda per la maioritad absoluta da 146 vuschs. Quella era questa giada betg pli necessaria.

Cun 183 vuschs ha Gian Fadri Largiadèr uss, en il segund scrutini, fatg la cursa cunter Gian Andrea Bott che ha survegnì 122 vuschs da la populaziun da S-chanf. Quai tar ina participaziun da 64.6%.

Gian Fadri Largiadèr ha 52 onns, è bab da famiglia e guardiaselvaschina. El è gia stà ina giada commember dal cussegl communal da S-chanf.

Ulteriurs uffizis communals

Reelegids en la cumissiun da gestiun èn Linard Parli e Christian Berger.

Linard Luzi è elegì sco suppleant da la suprastanza communala.

Era las duas candidatas per il cussegl da scola, Nina Defila-Bisaz e Doris Florineth, èn vegnidas reelegidas en in segund scrutini. E cun Jnes Barblan (fin qua) e Liun Quadri (fin qua) è il cussegl communal uss cumplet. Roman Parli (nov) era vegnì elegì en l’emprim scrutin, sco era il vicepresident Paolo Bernasconi, che era fin uss en la suprastanza.

RR novitads 13:00

Artitgels legids il pli savens