Malgrà il temp da vacanzas en Engiadina, èn tuttina vegnidas persunas da tut la val per gratular al nov cusseglier naziunal. Cun musica, saut e pleds han ins fatg viva sin la finiziun d’in temp fitg intensiv per Campell e sia famiglia, ma er per sia partida, la PBD.
Sco che Campell ha declerà en ses pled d’engraziament, vul el almain restar anc in onn al timun da la vischnanca da S-chanf. Sche sia lavur a Berna sa lascha colliar cun il presidi, vesa il politicher da 52 onns pir suenter in pèr sessiuns.