La radunanza communala da S-chanf ha ditg unanimamain gea ad in credit da 40'000 francs per laschar evaluar pussaivladads tecnicas en vischnanca per esser collià cun raits da datas sveltas.
Per exempel duai ins sclerir nua ch'ì dat lingias existentas ch'ins pudess trair a niz per novs cabels da fibra da vaider. Uschia duai la vischnanca a la fin savair tge pussaivladads ch'ì dat per esser collià cun raits da datas sveltas.
Il project vegn manà da Mia Engiadina en collavuraziun cun l'interpresa d'energia Repower. Era Zuoz ha già deliberà in credit da 50'000 francs per sa participar a questas evaluaziuns.
En pli ha la radunanza communala da S-chanf era ditg gea a la revisiun parziala da la constituziun communala. Nov prevesa la constituziun ina cumissiun per il turissem.
RR novitads 22:00