Siglir tar il cuntegn

Engiadina S-chanf deliberescha credit per allontanament d’aua persa

La radunanza communala da S-chanf ha approvà ina dumonda da credit da 850'000 francs per schlargiar ils indrizs per allontanar aua persa e per il provediment da l’aua da baiver Susauna.

Susauna
Legenda: La fracziun da Susauna duai esser colliada cun l'Ara Furnatsch fin il pli tard la fin da l'onn 2017. mad

Ultra da quai han ils 35 votants preschents approvà il rendaquint 2015. Quel serra cun in plus da bun 83’000 francs. Gea ha la radunanza communala da S-chanf era ditg a la vendita d’ina parcella en il quartier Resgia a Chapella.

Plinavant vul la vischnanca colliar las raits communalas vid las raits da transport da las Ovras Electricas d’Engiadina e suttascriver la decleraziun d’intenziun en merit.