Siglir tar il cuntegn

Header

cuntegn

Engiadina Rut la lescha nunscritta a Valsot

A Valsot han ins elegì 3 cussegliers communals da la fracziun da Tschlin ed 1 da la fracziun da Ramosch. E per l'emprima giada sesa era ina dunna en il cussegl communal.

Contract da fusiun

audio
Bunura: Elecziuns communalas en la vischnanca da Valsot
ord Actualitad dals 17.09.2016.
laschar ir. Durada: 2 minutas 27 Secundas.

Bleras vischnancas en il Grischun resguardan ch'i ston eleger per mintga fracziun ils cussegliers communals proporziunalmain.

Betg uschia en la vischnanca da Valsot, là ha valì questa regla sulettamain per la prima perioda d’uffizi. Ussa, tar la segunda perioda scroda questa regla, uschia che dastgan vegnir elegids era tuts be d’ina fracziun.

Las elecziuns a Valsot

Nagina discussiun ha dà l’elecziun dal capo. Victor Peer è vegni elegì cun 103 vuschs da 150. Tar il cussegl communal è vegnida rutta la lescha nunscritta. Elegids en Armon Mayer (fin qua), Armon Kirchen (nov) e per l'emprima giada ina dunna, Ursina Caviezel (nov), tuts da la fracziun da Tschlin. Sulettamain Fadri Riatsch (fin qua) è vegnì elegì per la fracziun da Ramosch.

Per l'emprima giada ina dunna en il cussegl communal

Ursina Caviezel da Tschlin è l'emprima dunna ch'è vegnida elegida en il cussegl communal da la vischnanca da Valsot.

Sper il cussegl communal è vegnì elegì era il cussegl da scola e la cumissiun da gestiun 2017-2020.

Artitgels legids il pli savens