Siglir tar il cuntegn
cuntegn

Engiadina Rumantsch e talian na dastgan betg ir en emblidanza

La fundaziun Terrafina s'occupa dal svilup da la natira ed era da la cultura en Engiadin’Ota. Ed ella fa attent che la nova instituziun 'Regiun Malögia' resguardia memia pauc las linguas rumantsch e talian.

Logo - Regiun Malögia, l'instituziun che cumpiglia 12 vischnancas en Engiadin'Ota e Bregaglia.
Legenda: Logo - Regiun Malögia, l'instituziun che cumpiglia 12 vischnancas en Engiadin'Ota e Bregaglia. Regiun Malögia

L’Engiadin’Ota cun il rumantsch

Gia oz cultiveschan singulas vischnancas memia pauc la lingua rumantscha en Engiadin’Ota, uschia il president da la fundaziun Terrafina Claudio Caratsch. Cun in fegl sgulant ch'è vegnì tramess en tut las chasadas ha la fundaziun fatg attent, che la nova 'Regiun Malögia' che va en vigur definitivamain a partir dal 1. da schaner 2018 duess resguardar las linguas rumantsch, talian e tudestg en ina furma adequata.

La Bregaglia cun il talian

Era la presidenta communala da la Bregaglia Anna Giacometti vesa in tschert basegn d'agir. Las sedutas ed era ils documents interns vegnan be en tudestg. Ins sto però dar adatg da resguardar las trais linguas oravant tut vers anora, vul dir cura che la 'Regiun Malögia' communitgescha cun la populaziun.

La 'Regiun Malögia' è vidlonder da far las preparativas necessarias, e la fundaziun Terrafina tegnia era en avegnir in egl critic sin las lavurs.

RR actualitad 07:00