L'autura engiadinaisa survegn il Premi grischun da litteratura 2020 en renconuschientscha da sia activitad variada e perseveranta, scriva la Fundaziun Premi grischun da litteratura en ina communicaziun. Sia lingua saja caracterisada da gronda virtuositad e sias istorgias hajan vieutas surprendentas.
Romana Ganzoni ha publitgà divers texts ed era dus cudeschs, Granada Grischun dal 2017 e Tod in Genua dal 2019.
Quest premi ha ina gronda impurtanza per mai, quella da vegnir reconuschida en patria.
Il premi è dotà cun 10'000 francs e vegn surdà da la Fundaziun Premi grischun da litteratura. La surdada dal premi vegn ad esser ils 12 da favrer a Cuira.
Ord l'archiv
Tar RTR è la scriventa era adina puspè cumparida, saja quai l'onn 2002 tar la fundaziun da Soroptimist, l'uniun da las dunnas socialmain engaschadas, u er sco autura dals Impuls. Il 2014 era ella er nominada per il premi Ingeborg Bachmann nua ch'ella ha stuì prender encunter critica (guarda video). Dentant ha l'autura er dà invista en ses gust da musica (emissiun Mia vita, mia musica dal 2013). Tadlai e guardai dus exempels ord noss archiv.
RTR novitads 6:00
