Siglir tar il cuntegn
Inhalt

Engiadina Rock svizzer al City Race 2015

L’eveniment per lantschar la stagiun d’enviern steva in mument sin chommas falombras. Quai suenter che la vischnanca ha ditg da na a la dumonda da credit dals organisaturs sur da 250’000 francs per ils proxims 3 onns.

City Race a San Murezzan
Legenda: Il City Race ha lieu dapi il 2008 sco eveniment per lantschar la stagiun d'enviern Giancarlo Cattaneo

Uss han ils organisaturs dat enconuschent che l’eveniment ha lieu. La vischnanca da San Murezzan sa participescha cun 100’000 francs. Il rest vegn da sponsurs. En tut stat a disposiziun in preventiv da radund 400’000 francs ha ditg Patrick Wiederkehr, dal comité d’organisaziun.

L’eveniment cun cursas da staffetta culs skis alpins e cursa lunga ha lieu la fin d’emna dal 4 enfin 6 december e cun Gotthard èn ils organisaturs segirs che quai vegn a dar ina top atmosfera.