Rino Padrun è per in onn il pli aut da San Murezzan

Rino Padrun da la Partida liberaldemocratica svizra è dapi sis onns commember dal cussegl communal. L'onn che vegn po el presidiar quest. El è vegnì elegì unanimamain per l’uffizi. Padrun succeda ad Arno Wyss, GdU, da Champfèr. Vicepresident è Fritz Nyfenegger dal PCD.

Cussegl communal San Murezzan.

Legenda da maletgs: Arno Wyss, Rino Padrun e Fritz Nyffenegger (da sanester). RTR, Violanta Rominger

Rino Padrun ha engrazià per l'elecziun e ha ditg ch'el sa legra sin in onn interessant e constructiv. Rino Padrun maina dapi il 2014 la banca Julius Bär a San Murezzan.

Approvà credit per renovar stallas da chavals

Il cussegl communal da San Murezzan ha approvà unanimamain la missiva per renovar las stallas da chavals per mauns da la votaziun a l'urna. I sa tracta da 51 boxas per chavals en duas stallas che duain vegnir colliadas ina cun l'autra. Las stallas vegnan duvradas durant las occurrenzas cun chavals d'enviern e la stad. Il project prevesa in credit da radund 3.6 milliuns francs. La populaziun duai decider l'onn che vegn.

RR novitads 20:00