Siglir tar il cuntegn

Header

video
Riet Bulfoni al campiunadi svizzer da mecatronicers
Or da RTR dals 16.08.2016.
laschar ir. Durada: 53 Secundas.
cuntegn

Engiadina Riet Bulfoni po ir per la Svizra ad Abu Dhabi

Il mecatronist engiadinais è sa qualifitgà per il campiunadi mundial da professiuns ad Abu Dhabi.

Riet Bulfoni da Scuol ch'aveva gudagnà il Eurocup2016 ha uss er gudagnà la qualificaziun per il campiunadi mundial dals mecatronists d'automobils. El ha battì il campiun svizzer dal 2016, Janik Leuenberger en il cumbat intern tranter ils dus megliers mecatronists d'automobils svizzers a Horw. L'atun 2017 po Riet Blufoni uss represchentar la Svizra al campiunadi mundial ad Abu Dhabi en ils Emirats Arabs Unids.

Concurrenza svizra avust 2016

Riet Bulfoni da Scuol era daventà segund al campiunadi svizzer da mecatronists d'automobils. Quai al campiunadi svizzer da professiuns a Berna. Bulfoni è in da 60 mecatronists giuvens da l'entira Svizra ch'èn sa participads al campiunadi svizzer, el era sa qualifitgà per il final dals 12 megliers.

Il manster da mecatronicer d'automobils è la denominaziun per ils mecanists d'auto dad ozendi. Quai pervia che questa professiun pretenda savida en las spartas da mecanist, electricist e tecnicist dad IT.

audio
Bunura: In Engiadinais po ir al champiunadi svizzer dals mecatronists
ord Actualitad dals 18.08.2016.
laschar ir. Durada: 2 minutas 49 Secundas.

Artitgels legids il pli savens