Siglir tar il cuntegn

Header

cuntegn

Residenza a Scuol Novas abitaziuns per persunas da 50+

L’architect Burtel Oprandi da Zernez prevesa da realisar 16 abitaziuns sin il vegl areal dal hotel Lischana.

16 abitaziuns d'ina grondezza da 2 enfin 4,5 stanzas èn previsas da realisar. Dasper las abitaziuns èsi previs era in bistro, in café e differentas boutiques.

Dad ina vart duai il vegl hotel Lischana, in chasa en stil floreal (Jugendstil), vegnir bajegiada enturn. E lura èsi anc previs in ‘ulteriur object directamain dasperas.

Nagina concurrenza per chasa d'attempads

Persunas a partir da 50 che prevesan da surdar lur chasa u abitaziun a la proxima generaziun stattan en il focus. Tenor l’architect e possessur Burtel Oprandi da Zernez na concurrenzescha quest project betg cun la chasa d’attempads u cun ina chasa da filament. Las abitaziuns ins dastga cumprar u era fittar.

Radund 14 milliuns francs duai il cumplex custar. Sche tut va sco planisà, èsi previs da finir il project per la fin da l'onn 2021.

RR novitads 11:00

Artitgels legids il pli savens