Siglir tar il cuntegn
Inhalt

Engiadina Regula Frei banduna l'Engiadin'Ota

La sviluppadra regiunala da l'Engiadin'Ota ha visà sia plazza da lavur. Tant Regula Frei sezza sco era Martin Aebli per la Regiun Malögia han confermà che Frei banduna l'Engiadin'Ota la fin da settember.

Regula Frei
Legenda: Regula Frei, la sviluppadra regiunala da l'Engiadin'Ota. Ella ha desditg sia plazza. Posta Ladina, Jon Duschletta

Frei ha ditg envers Radiotelevisiun Svizra Rumantscha RTR che sia decisiun da bandunar l'Engiadina saja ina decisiun persunala. Era Martin Aebli ha ditg ad RTR che Frei bandunia la regiun Malögia sin agen giavisch per s'orientar da nov.

Lavurà stgars dus onns en Engiadina

Regula Frei ha cumenzà sia lavur sco sviluppadra regiunala en Engiadin'Ota il schaner 2016. Ella banduna quest post damai suenter gnanc dus onns puspè. Frei ha studegià economia da manaschi a l'Università da Son Gagl. Sco sviluppadra regiunala ha ella gì l'incumbensa dad iniziar e manar projects regiunals che promovan il svilup economic.

RR novitads 15:00