Siglir tar il cuntegn
cuntegn

Engiadina Regiun Parc Naziunal cun nova purschida per e-bike

La DMO Engiadina Scuol Samignun Val Müstair reagescha sin il nov trend da e-bikes. Cun in tura da 4 dis, cun transport da bagascha, enturn il Parc Naziunal Svizzer vul ella promover il turissem da electro-bikes.

Il traject da la nova purschida per e-bikes en la regiun dal Parc naziunal svizzer.
Legenda: Il traject da la nova purschida per e-bikes en la regiun dal Parc naziunal svizzer. RTR

Las quatter etappas mainan da Scuol en Val Müstair, Livigno, Zuoz e puspè enavos a Scuol. Las etappas èn tranter 50 e 60 kilometers lungas, cun ina differenza d’autezza da maximalmain 1400 meters en in di. Quai èn distanzas che pon vegnir fatgas en in di senza stuair chargiar la battaria.

Il trend per e-bikes crescha

La DMO Engiadina Scuol Samignun Val Müstair è la emprima destinaziun en Svizra cun in purschida organisada sur plirs dis per e-bikes. Il trend dals e-bikes daventa adina pli grond. L’onn passà en vegnids vendids radund 20’000 velos cun motor electric. Uschia vegna spetgà cun quella nova purschida er giasts novs en la regiun. Quai tenor in communicaziun da medias da Scuol Samignun Val Müstair.

RR 06:00