Siglir tar il cuntegn

Header

cuntegn

Regiun Malögia Scola da musica duai desdir cunvegna cun vischnancas

La Conferenza da presidents da la Regiun Malögia recumonda a la Scola da musica d’Engiadin’Ota da desdir la cunvegna da prestaziun existenta cun las vischnancas fin la fin da quest onn. Quai per evitar che quella cunvegna vegnia prolungada per ulteriurs quatter onns.

Cumenzar tar nulla

Ina gruppa da lavur duai elavurar fin la primavaira 2020 ensemen cun la Scola da musica novas premissas, uschia ch’ina finanziaziun è insumma realistica. Tenor il president da la Regiun Malögia, Martin Aebli, è la finamira d’avair sut tetg ina nova cunvegna da prestaziun tranter la Scola da musica e las vischnancas per il 2021.

Blera lavur impegnativa

La Scola da musica d’Engiadin’Ota ha dapi plirs onns difficultads finanzialas. Quai dad ina vart causa ch’ina gronda part dals magisters deriva da l’ester, da l’autra fan er ora ils fits per las localitads in grond import en la contabilitad. Ultra da quai na correspundian ils imports da vischnancas e chantun betg pli als basegns actuals d’ina gestiun sco quella da la Scola da musica d’Engiadin’Ota.

La Scola da musica è actualmain ina lezia da las singulas vischnancas e betg da la Regiun Malögia.

audio
Per tadlar curt e cumpact
ord Novitads dals 07.11.2019. Maletg: RTR
laschar ir. Durada: 58 Secundas.

RR novitads 17:00

Artitgels legids il pli savens