audio
Bunura: Co van ils cussegliers guvernativs en vacanzas?
ord Actualitad dals 03.07.2019.
laschar ir. Durada: 2 minutas 34 Secundas.
Insacura dovra mintgin vacanzas. Uschia er ils cussegliers guvernativs da la regenza grischuna.
Trais dals tschintg cussegliers passentan lur vacanzas en la Svizra.
Jau fatsch vacanzas en mia uschenumnada homebase en Lumnezia.
Sper Marcus Caduff passenta era Jon Domenic Parolini ina gronda part da sias vacanzas en il Grischun. El vegn a visitar differentas occurrenzas culturalas. Ma sper il Grischun fa el anc in pèr dis vacanzas a Vevey.
Jau ma legrel fitg sin la Fête des Vignerons. Quai è ina festa ch'ha sulettamain lieu mintga dus decennis ed è uschia insatge spezial. A chaschun da quella festa restain nus intgins dis en Svizra Franzosa.
Betg franzos, però talian vegn Mario Cavigelli a discurrer en sias vacanzas en il Tessin.
Jau fatsch vacanzas ruassaivlas a Brissago en la chasa da vacanzas da mes geniturs.
In zichel pli lunsch van ils dus ulteriurs cussegliers guvernativs. Era sch’il punct da partenza è per Christian Rathgeb Mustér.
Per mai datti quest onn vacanzas spezialas – nus maridain proxima sonda en baselgia a Mustér. Suenter giain nus sin viadi da nozzas en la Toscana e l'Algarva.
Sper la mar passenta era Peter Peyer ses dis libers, numnadamain amez la Mar Mediterrana.
Jau vom sco mintga onn en la Sardinia, cun auto e lura cun la navetta vi sur mar.
RR actualitad 08:00