Siglir tar il cuntegn
cuntegn

Engiadina Recurs cunter la fundaziun provediment da sanadad Engiadin’Ota

Leandro Testa, president da la fracziun da la PLD da San Murezzan, ha inoltrà sco persuna privata in recurs tar la Dretgira administrativa dal chantun Grischun.

Vista sin l'entrada dal 'ospital Engiadin'Ota a Samedan
Legenda: L'ospital Engiadin'Ota a Samedan RTR, Armon Schlegel

Oriundamain avevan las fracziuns da la PLD, la PCD e la PPS dal cussegl da vischnanca da San Murezzan smanatschà cun in recurs cunter la decisiun da transfurmar l'Ospital Engiadin’Ota e la Chasa da tgira Promulins èn ina fundaziun . Tenor las partidas politicas na saja il Circul d’Engiadin’Ota betg responsabel per la transfurmaziun da la furma giuridica da las duas instituziuns, .

Effectivamain ha ussa sulettamain Leandro Testa, betg sco president da la fracziun da la PLD, mabain sco persuna privata inoltrà ils nov da schaner in recurs.

Tgenins èn ils puncts dal recurs:

  • Il circul d’Engiadin’Ota ch'è vegnì schlià la fin da schaner 2017, n'haja betg la cumpetenza da decider sur da la realisaziun da la nova fundaziun provediment da sanadad Engiadin’Ota.
  • Il statuts ch'èn vegnids consentids dal circul n'èn betg valabels, perquai che quels na sajan betg vegnids approvads da la populaziun.
  • Il cussegl administrativ da la nova fundaziun stoppia vegnir relaschà, quels na sajan betg autorisads da manar ils affars.

Il recurs è vegnì inoltrà ils nov da schaner tar la Dretgira administrativa dal chantun Grischun.

RR actualitad 11:00