Siglir tar il cuntegn

Header

video
Recurs cunter il na a la stalla da chauras ad Isola
Or da Actualitad dals 13.03.2015.
laschar ir. Durada: 2 minutas 43 Secundas.
cuntegn

Engiadina Recurs cunter il na a la stalla da chauras ad Isola

Avant radund 1 mais è vegnida la decisiun da Cuira che la stalla da chauras ad Isola na po betg vegnir bajegiada. Quai na vulan las famiglias pertutgadas betg acceptar, e fan recurs tar la Dretgira administrativa dal chantun Grischun. Uschia Vreni Cadurisch envers Radiotelevisiun Svizra Rumantscha.

L’Uffizi per il svilup dal territori aveva dà raschun a las organisaziuns d’ambient, ch'avevan fatg recurs l’onn 2013 encunter il bajetg d’ina stalla nova da chauras.

3 generaziuns vivan dal bain puril ad Isola en la vischnanca Bregaglia. Sin il bain hai il mument 80 chauras, 2 asens e 2 chavals. La nova stalla fiss 62 meters lunga e planisada per 120 chauras.

Finamira da chattar cumpromiss

Sco quai che Vreni Cadurisch ha ditg, fissan els pronts da far midadas vi dal project. En la grondezza da la stalla èn els limitads, mo quai che pertutga aspects da construcziun sajan els averts. Tenor las famiglias pertutgadas han las chauras ad Isola ina gronda impurtanza, e la nova stalla saja necessaria, gea existenziala per ellas.

RR novitads 06:00

Artitgels legids il pli savens