Ils 20 da zercladur aveva la raspada evangelica Zuoz/Madulain decidì cunter ina fusiun da tut las 7 raspadas en Engiadin'Ota. Uss ha la suprastanza decidì da pruvar anc ina giada. Ina decisiun ch'haja differents motivs, di Roman Bezzola il commember da la suprastanza e co - manader dal project da fusiun. Suenter il na a la fusiun saja la raspada da Zuoz e Madulain isolada. Quai veglian ins evitar.
Votaziun ha lieu ils 18 da fanadur
Sche 2/3 dals preschents vulan entrar sin la tractanda, vegn votà in’ulteriura giada davart la medema missiva sco l'ultima giada, uschia Roman Bezzola. In gea muntass ch'ins po cuntinuar cun il project sco previs.