Siglir tar il cuntegn

Header

audio
Bunura: Radunanza «Rennverein White Turf» ha reelegì Thomas Walther sco president
Or da Actualitad dals 11.09.2019.
laschar ir. Durada: 52 Secundas.
cuntegn

Radunanza generala White Turf Confidenza per la suprastanza – malgrà la cursa cun l'auto

La 112avla radunanza «Rennverein White Turf» ha reelegì Thomas Walther sco president.

164 commembers/as han prendì part a la radunanza generala en il Grand Hotel des Bains Kempinski a San Murezzan. Cun 160 vuschs è il president da fin qua, Thomas Walther, vegnì reelegì. Ed era ils ulteriurs delegads, Annina Widmer, Luigi Sala e Samuel Schäfli èn vegnids reelegids per la perioda 2019 – 2022. Gian Peter Niggli aveva infurmà da vulair sa retrair, per el succeda Curdin Schmidt da San Murezzan.

Oravant a questa radunanza generala aveva ina «Cuminanza d’interess White Turf» smanatschà als delegads da betg avair en maun las finanzas e nagina strategia per il futur. Ultra da quai ha il «Blick» publitgà dacurt in film d'ina cursa cun in BMW sin il traject da naiv sin il lai da San Murezzan. Manischunz e cunpassagier eran il president Thomas Walther ensemen cun Gian Peter Niggli.

Malgrà a las smanatschas ed era la cursa da notg sin il glatsch, han ils preschents dà la confidenza per ulteriurs trais onns.

La suprastanza (da sanester): Gian Peter Niggli, Annina Widmer, Samuel Schäfli, Luigi Sala e Thomas Walther. Dretg: il schef events e sponsoring René Schnüriger.
Legenda: La suprastanza (da sanester): Gian Peter Niggli, Annina Widmer, Samuel Schäfli, Luigi Sala e Thomas Walther. Dretg: il schef events e sponsoring René Schnüriger. RTR, Georg Luzzi

Excluder commembers causa smanatscha

Sut la tractanda «varia» ha in commember fatg la proposta d’excluder ils quatter commembers da la «cuminanza d'interess White Turf» che han smanatschà a la suprastanza dal «Rennverein White Turf». Questa dumonda vegn tractandada per la proxima radunanza generala 2020.

RR novitads 06:00

Artitgels legids il pli savens