Siglir tar il cuntegn

Header

Navigaziun

Vista sin il bogn cuvert dal bogn Ovaverva a San Murezzan.
Legenda: 900'000 francs ha il bogn Ovaverva custà. Daniel Martinek
cuntegn

Engiadina Quint final per Ovaverva en il rom budgetà

Il Cussegl communal da San Murezzan ha prendì enconuschientscha dal quint final per il center Ovaverva. Il quint mussa custs da total 66,6 milliuns francs. Quai èn passa 900’000 francs dapli che budgetà – il quint surpassa il budget per 1.4%.

Il president communal da San Murezzan ha ditg durant la sesida dal parlament communal ch’el saja superbi ch’ins haja pudì tegnair ils custs uschè bain sut controlla. In commember dal cussegl ha numnà la lavur dals planisaders ina lavur da gronda precisiun.

Il suveran da San Murezzan aveva ditg gea al credit da fabrica l’onn 2010. La stad 2014 è stada l’avertura dal bogn, center da fitness e wellness e center da passlung Ovaverva. Durant il prim mez onn da gestiun ha il bogn cuntanschì entradas da radund 1.4 milliuns francs. Quai èn 9% u radund 110’000 francs dapli che budgetà.