Siglir tar il cuntegn
cuntegn

Engiadina Quint equilibrà per la vischnanca da Puntraschigna

Il rendaquint 2016 da la vischnanca serra cun in pitschen gudogna da 732 francs empè d’in minus budgetà da 2,17 milliuns francs. Uschè in bun resultat hajan ins cuntanschì grazia ad entradas supplementaras e mesiras da spargn, scriva la vischnanca.

la vischnanca da Puntraschigna.
Legenda: La vischnanca da Puntraschigna. mad

La suprastanza communala da Puntraschigna ha approvà il rendaquint 2016 a maun da la radunanza communala. La differenza da budget a las cifras effectivas resultia d'in surpli d'entradas da 2,21 milliuns francs e d'ina reducziun da las expensas per passa in milliun francs.

Mess en salv raps

Gia cumprais tar las expensas è ina reserva da project per construcziuns planisadas sur 1,93 milliuns francs. Tranter auter èn quai daners per l’infrastructura da sport sin l'areal Sportpavillon ed er en connex cun la plazza da staziun e la Jugi a Puntraschigna.

La radunanza communala ha anc d'approvar il rendaquint 2016 ils 6 da zercladur da quest onn.

RR novitads 10:00