Engiadina - Quatter struts per Silvio ed Erwin

Dapi 10 onns vivan quels utscheluns sin in areal da 2’900 m2 sper la chasa da Silvio Pinggera a l’ur da la vischnanca da S-chanf. Las prescripziuns per pudair tegnair struts sajan fitg severas. Uschia èn almain in dils allevaturs obligà da frequentar ina scolaziun specifica da trais mais al zoo da Turitg.

audio

Allevament da struts a S-chanf

04:08 min, ord Actualitad dals 22.06.2015.

laschar ir. Durada: 4 minutas 8 Secundas.

Els tegnian ils struts or da passiun, però er per vender la charn ed ils ovs. Quels han ina dretga grondezza. In ov d’in struts correspunda a 24-30 ovs d’ina giaglina. Actualmain vivan 4 struts en il curtin – 3 femnas ed in mastgel.

Forzas sutvalitadas

Era sch’ins haja l’impressiun ch’ils struts èn davos il giatter na duess ins mai s’avischinar dapli ch'in meter. Ina pajada da l’utschè possia esser mortala, admonescha l’allevatur Silvio Pinggera.

1 / 4

Legenda: Ils tschegls dils struts èn fitg lungs ! A. Caprez

2 / 4

Legenda: Imposantas èn las grifflas d'in strit A. Caprez

3 / 4

Legenda: In pèr dils ovs che duessan dar pulschins entaifer 40 dis A. Caprez

4 / 4

Legenda: Ina da las trais femnas che vivan sin l'areal a S-chanf A. Caprez

Lur pli gronda finamira saja uss ch’ils utschels cuassan ils 15 ovs ch’èn en ina fora da sablun in sper l’auter per ch’i dettia pulschains. Actualmain na san ils dus purs da hobi dentant betg anc sch’ils ovs èn insumma fructifitgads. Ils proxims ovs vulan ils dus umens metter en in incubatur ch’els èn per il mument vi dal fabritgar.