Siglir tar il cuntegn

Header

video
Sgrafits engiadinais sin stoffa e vaschella
Or da Telesguard dals 11.10.2018.
laschar ir. Durada: 3 minutas 59 Secundas.
cuntegn

Engiadina Qualifitgà per duel da start-ups cun tipics sgrafits engiadinais

La marca «Sgrafits Engiadinais» da Sent è ina da trais ideas che vegnan valitadas al Forum grischun per impressaris giuvens. L’affar da Lidia Domenig-Etter e sia figlia Heidi Laurent-Domenig unescha tradiziun, innovaziun e particularitad.

Chasas engiadinaisas èn enconuschentas per lur sgrafits. Sgrafits sin stoffa u cheramica dentant main. Quai duai sa midar. En la Butia Schlerin a Sent da Heidi Laurent-Domenig e sia mamma Lidia Domenig-Etter hajan ins gì l'idea da cumbinar vaschella cun ils motivs da sgrafits. E quai cun success. L'idea è uss nominada per il duel da start-ups dal Forum grischun per impressaris giuvens.

Grond’investiziun en candidatura

Sco che Heidi Laurent-Domenig ha declerà, ella è la manadra da gestiun da l’affar «Butia Schlerin Cafè creativ a Sent, haja ella gì da s’occupar intensivamain cun lur products avant ch'inoltrar il project per la candidatura. Analisas cun las fermezzas, ma er las deblezzas da lur idea han gì da vegnir fatgas, ina procedura intensiva.

audio
Mezdi: Startup Schlerin – Porcellan cun design da l'Engiadina
ord Actualitad dals 11.10.2018.
laschar ir. Durada: 2 minutas 22 Secundas.

Cumbinar tradiziun cun cheramica

Cun lur novs products – en furma da vaschella e stoffa che vegn ornada cun il tipic sgrafit engiadinais – creeschan mamma e figlia ina purschida particulara, tradiziunala e durabla en in regiun periferica. La proxima finamira da las duas dunnas è da far vegnir anc pli enconuschents lur products en tut la Svizra.

La preschentaziun dals trais finalists dal duel da start-ups dal Forum grischun per impressaris giuvens ha lieu ils 24 d’october a Cuira.

RR actualitad 11:00

Artitgels legids il pli savens