A partir da l’onn da chatscha 2018 sto mintga chatschadura e chatschadur documentar cun in formular la situaziun dal mument dal sajet enfin tar la mazlaria. La charn che vegn vendida – saja quai sur la mazlaria, saja quai directamain a l'hotel, a'l restaurant u ad auters consuments – sto vegnir controllada.
«A» o «B» decida davart controlla u betg
I dat duas pussaivladads. Ils chatschadurs sco experts ston controllar il butin e decider, sche tut è en urden: Nagin nausch tun, naginas retschertgas, nagins incaps cun transportar e nagins suspects da malsognas. Lura datti in «A» e la charn dastga vegnir elavurada senza controlla. Cun in «B» sin il formular sto il veterinari far ina controlla e decider co enavant.
Nagin problem per ils chatschadurs
Malgrà ch'i dat ulteriura lavur da scriver per il chatschadur – la gronda maioritad e perencletga cun questas mesiras. Ed er per il veterinari Men Bischoff da Scuol che ha referì davant radund 120 chatschadurs a Strada è questa mesira impurtanta per segirar la qualitad da la charn. Però oravant tut per sensibilisar ils chatschadurs per l’etica da la chatscha grischuna.
RR actualitad 06:05