Siglir tar il cuntegn
cuntegn

Engiadina Puspè plazzas da parcadi entamez Samedan

Suenter reclamaziuns dad affarists da Samedan, ha la suprastanza communala decis da reactivar puspè quatter plazzas da parcar en il center da la vischnanca.

plazza cun salaschada
Legenda: La plazza senza parcadis en il minz da Samedan. farbpunkt.com

Cun la nova concepziun da la plazza da cumin da Samedan l’onn 2012 aveva la vischnanca stgassà ils parcadis. La mancanza da quels lieus per laschar l’auto durant in curt mument per far cumissiuns, s’haja verifitgà sco fitg negativ tar ils affarists. Els han perquai giavischà da la suprastanza communala ina correctura.

4 parcadis

Sco che la chanzlia scriva haja il cussegl communal gì da ponderar intensivamain, suenter avair tratg la decisiun da puspè reactivar en tut quatter plazzas da parcar per curta durada a pajament entamez la vischnanca da Samedan.

La realisaziun da quel midament vegnia instradada proximamain tenor urden dal traffic sin via.

RR novitads 06:00