Puntraschigna vul salvar resursas d'aua da glatschers

La vischnanca da Puntraschigna tschertga ensemen cun glaciologs da l'Academia Engiadina a Samedan e l'Universitad da Utrecht en Ollanda soluziuns per pudair salvar las resursas d’aua dals glatschers Morteratsch e Pers per proximas generaziuns.

L'intern dal glatscher da Morteratsch.

Legenda da maletgs: Ils dus glatschers Morteratsch e Pers cumpiglian strusch imaginablas 1,5 milliardas tonnas glatsch. Keystone

Tenor in studi da l’Organisaziun internaziunala per la protecziun da las Alps CIPRA è la mancanza d’aua er ina sfida per las Alps. Quai en vista al midament climatic che succeda mundialmain.

Emprims resultats èn da spetgar la primavaira 2016, scriva la vischnanca da Puntraschigna. Lura vegni a sa mussar, schebain il project cun la finamira d’esser durabel sa lascha realisar.

RR novitads 12:00