Siglir tar il cuntegn

Header

cuntegn

Engiadina Puntraschigna: Mirs sitgs na servan betg pli cunter lavinas

Ina gronda part dals mirs sitgs al Munt da la Bes-cha, che servan sco protecziun cunter lavinas, duajan vegnir remplazzads cun sistems moderns, communitgescha Puntraschigna.

La suprastanza da Puntraschigna haja decis da remplazzar ils mirs sitgs che servan sco protecziun cunter lavinas cun sistems moderns, scriva la vischnanca en ina communicaziun a las medias.

Unic ils mirs sitgs sin la «Gianda Cotschna» fan anc lur serv

La valur da protecziun dals mirs sitgs al Munt da la Bes-cha, il «Schafberg», saja tenor experts per gronda part«minimala» fin »fitg minimala». Sulet en il sectur «Gianda Cotschna» sin in'autezza da 2'500 meters sur mar possian ils mirs sitgs anc stabilisar per «gronda probabilitad» ina zona periclitada – e far uschia lur serv.

In project a lunga durada – fin sur l'onn 2100 ora

Per etablir ils sistems moderns ha la vischnanca da Puntraschigna prevesì in orizont da temp da betg main che 90 onns: Durant quels vul ella remplazzar trais quarts dals mirs sitgs cun sistems moderns. Quels sajan pli effizients e pli simpels per mantegnair, scriva la suprastanza communala en sia communicaziun.

Per remplazzar ils total 13 kilometers mirs sitgs sin il Munt da la Bes-cha fa la vischnanca quint cun custs da totalmain 3,6 milliuns – quai ch'importa pervi da la lunga durada dal project 40'000 francs ad onn.

RR novitads 09:00

Artitgels legids il pli savens