Siglir tar il cuntegn
cuntegn

Engiadina Puntraschigna – Martin Aebli resta a la testa

Martin Aebli resta president communal da Puntraschigna. La radunanza communala da Puntraschigna ha confermà Martin Aebli cun 208 vuschs per in'ulteriura perioda d'uffizi, dal 2017-2020. Aebli è dapi il 2005 president communal.

Martin Aebli da Puntraschigna
Legenda: Il president communal Martin Aebli. MAD

Plinavant entra Diana Costa da nov en suprastanza, ella remplazza Theo Cavegn che sa retira. Ils ulteriurs tschintg commembers da la suprastanza da fin qua ha il suveran da Puntraschigna reelegì: Claudio Kochendörfer, Richard Plattner, Roland Hinzer, Gian-Franco Gotsch e Margot Rothwangl.

Ultra da quai han ils da Puntraschigna approvà senza cuntravusch il preventiv per il 2017. Quel prevesa in deficit da 2,9 milliuns francs, tar expensas da 29,22 milliuns francs. La summa d’investiziuns brutta per l’onn 2017 munta a bunamain 7 milliuns francs, da quai è pli che la mesadad reservada per la construcziun nova da la serenera regiunala S-chanf.

RR novitads 06:00