Siglir tar il cuntegn
cuntegn

Engiadina Puntraschigna festivescha «ses» president dal Cussegl grond

Cun in apero per tuts ha Puntraschigna festivà ses president communal, Martin Aebli (PBD) ch'è dapi la sessiun d'atun er president dal Cussegl grond ha beneventà radund 200 parlamentaris en Engiadina.

Legenda: Guardar il video Festa per il president dal Cussegl grond a Pontresina. Durada 02:22 minutas.
Or da Actualitad video dals 02.09.2017.

L'aura d'enviern en ils auts n'ha betg pudì tementar il Cussegl grond. Suenter ina curta discussiun davart il center da logistica da la posta a Cuira, ha cumenzà la part ilarica da la sessiun d’avust: Numnadamain il viadi en la patria e lura la festa per il nov president dal Cussegl grond.

Martin Aebli è vegnì festivà cun tut las onurs usitadas

Suenter il viadi cun la posta han ils giasts da festa sa chattads ad in apero per il nov pli aut Grischun en il Hotel Walther a Puntraschigna. Malgrà l'aura plitost fraida e bletscha e malgrà l'emprim di da chatscha èn vegnids sper ils giast envidads er blers indigens.

Gentar, discurs e producziuns en la tenda da festa stgaudada

Legenda: Guardar il video Il cor dal Cussegl grond chanta per ses president. Durada 01:02 minutas.
Or da RTR dals 02.09.2017.

Per l'act festiv ed il gentar èn ils giasts envidads ids en la tenda da festa stgaudada gist sper l'hotel. Sper ils pleds da laudatio haja er dat las salamuiras da las differentas partidas. Quellas eran tuttas munidas cun remartgas saladas.

Per l'Engiadina è l'elecziun da Martin Aebli in'onur, che sa repeta en quatter onns gist trais giadas – cun Duri Campell (S-chanf), Michael Pfäffli (San Murezzan) ed uss Martin Aebli (Puntraschigna).

In sguard en las medias socialas mussa, ch'ils deputads han laschà sa plaschair l'excursiun en l'Engiadina:

RR novitads 12:00