Siglir tar il cuntegn
cuntegn

Engiadina Punt dal Gall - sfunsar per sanar

Durant il matg cumenzan las lavurs da revisiun spectacularas vi dal mir da serra. Sfunsaders vegnan a lavurar en ina profunditad da 110 meters sut la surfatscha dal lai.

La punt dal Gall da surengiu.
Legenda: La punt dal Gall vegn sanada per 25 miliuns francs. ANR

Las Ouvras Electricas d'Engiadina OEE han construì il mir da serra da Punt dal Gall avant 45 onns. Ussa ston ins sanar il mir per 25 milliuns francs. Las lavurs da preparaziun cumenzan durant il matg. Quai communitgeschan las OEE.

Las OEE vulan sanar il mir senza svidar il lai da serra. Perquai ston ins lavurar cun sfunsaders. Quels lavuran durant ils mais zercladur e settember davent dad ina plattafurma speziala. Els restan durant fin in mais sut ina pressiun da radund 10 bars. Uschia pon els lavurar en ina profunditad da radund 110 meters sut aua.

A la fin da las lavurs ston ils sfunsaders far tras ina fasa da decumpressiun da radund 5 dis per pudair sortir da la chombra da cumpressiun.