Siglir tar il cuntegn

Engiadina Pumpus ed excessiv – la nozza indica a San Murezzan

Durant 4 dis è San Murezzan stà in hotspot da festa. In pèrin indic ha festivà sia nozza en l'Engiadina e transfurmà San Murezzan en Bollywood.

Legende: Video 4 dis festa excessiva abspielen. Laufzeit 01:16 Minuten.
Or da Actualitad video dals 05.07.2017.

Cumenzà ha tut il venderdi saira cun ina party da barlot. Sequent è vegnì festivà duas partys en stil da Bollywood ed il glindesdi han els lura fatg nozzas.

Quella nozza ha cumenzà cun ina processiun da nozzas tras las giassas da San Murezzan. Quella processiun è stada mo per il spus – la spusa ha spetgà en il Hotel Badrutt’s Palace.

En tut var 750 giasts

Il pèrin indic ha envidà var 750 persunas – quellas 750 persunas han gì temp quatter dis per emprender d'enconuscher. Quai è era il motiv che las festivitads han cuzzà bunamain in'emna.

Tut è secret

Era sche la populaziun è stada envidada da proseguir a la processiun da nozzas è atgnamain magari tut secret. Ils responsabels discurran da var 750 giasts, ils custs circa 7 milliuns francs e davart la schlatta vegn be speculà. Confermar na vul nagin nagut.

Pertge San Murezzan?

La dunna dal directur dal Hotel Badrutt's Palace è era da l'India. Para enconuscha ella la famiglia dal spus e ha uschia pudì muventar la famiglia da far las nozzas a San Murezzan.

RR actualitad 11:00