Siglir tar il cuntegn
cuntegn

Engiadina Provisori per kino San Murezzan sin buna via

Ils 29 da november mussa la societad cinefilm in film en il hotel Reine Victoria a San Murezzan. Bain pussibel ch'il film «Zwischensaison» da Daniel Schmid vegn ad esser l'emprim, dentant betg il davos en l'hotel.

Il hotel Reine Victoria a San Murezzan
Legenda: Il hotel Reine Victoria - il lieu futur per il provisori dal kino a San Murezzan? RTR

Il president da la societad cinefilm, Diego Schwarzenbach, n'ha betg anc pudì tradir nua ch'il provisori per il kino a San Murezzan sa chatta. Els sajan dentant en davosas tractativas e possian a chaschun da la saira da film ils 29 da november preschentar ils resultats. Tenor Diego Schwarzenbach hajan els lura cuntanschì la finamira, numnadamain da puspè porscher sin la fin da quest onn ina pussaivladad d'ir a kino a San Murezzan.

Il film «Zwischensaison» vegn mussà ils 29 november las 20:00 en l'hotel Reine Victoria a San Murezzan. Lura vegn la societad era ad infurmar davart il futur dal kino a San Murezzan.

RR actualitad 08:00