Siglir tar il cuntegn

Header

cuntegn

Engiadina Promoziun da cultura duai restar incumbensa regiunala

Il suveran da l’Engiadin’Ota e la Bregaglia ha da votar ils 10 da zercladur er davart la lescha che regla la promoziun da cultura en la Regiun Malögia. Fin l’onn passà era quai ina lezia dal Circul d’Engiadin’Ota.

Cun la nova furma giuridica, la Regiun Malögia, n’era la promoziun da cultura regiunala betg reglada. Sco ch’il president communal da Bever, Fadri Guidon ha concedì, haja la conferenza dals 11 presidents midà opiniun er sin squitsch d’ina iniziativa inoltrada l’onn passà cun passa 800 suttascripziuns.

audio
Mezdi: Regiun Malögia - lescha da cultura
ord Actualitad dals 01.06.2018.
laschar ir. Durada: 2 minutas 54 Secundas.

Votaziun a l’urna na tanscha betg

Era suenter in probabel gea a la missiva la dumengia da votaziun, n’è la promoziun da cultura regiunala betg anc sut tetg. Mintga singula vischnanca ha numnadamain da decider sch’ella vul sa participar a l’incumbensa da la Regiun Malögia u betg. Bever e Segl han gia fatg quai.

Jau pens er per ils auters lieus: tant sto la cultura valair a nus!
Autur: Fadrio Guidon president communal da Bever

En cas d’in gea, vegnia publitgà gia il di suenter la votaziun in inserat per tschertgar commembers da la nova cumissiun da cultura. Finamira saja numnadamain ch’ils presidents communals possian eleger il gremi gia en lur sesida dals 5 da fanadur.

RR actualitad 12:00

Artitgels legids il pli savens