Siglir tar il cuntegn

Engiadina Project per nov hotel da 3 stailas sin buna via

Silvaplauna dovra hotels, surtut èn il segment da 3 stailas. Quai pudess prest midar. Sin l’areal dal parcadi dal center da sport Mulets vegn planisà in hotel cun 200 letgs.

Hotel
Legenda: Il stil dals Explorer hotels è tar tut il medem. Uschia guradess er ora quel a Silvaplauna. mad

A Silvaplauna è planisà in nov hotel da 3 stailas e 100 stanzas. Quai ha la presidenta communala ditg a chaschun da la radunanza communala quest’emna. L’hotel fiss planisà sin l’areal dal parcadi dal center da sport Mulets.

Bajegià e gestiunà vegniss l'hotel da la gruppa d’hotels Explorer per 12 milliuns francs. Questa gruppa posseda plirs hotels en Germania e l'Austria e vul expander en la Svizra.

La populaziun da Silvaplauna sto anc decider davart in credit per la garascha sutterana. Questa stuess la vischnanca bajegiar. Il terren dess ella en dretg da fabrica, apaina che la zona è messa èn ina zona d'hotels.