Project Gitöglia cun in center da cultura sin buna via

Qua duessi ultra da quai dar emprimas abitaziuns e surfatschas per interpresas. En tut è l'areal radund 11'000 meters quadrat grond. Ina gronda part da la surfatscha tutga a la Vepa Finanz AG. E cunquai a la Venzi&Paganini AG a Samedan. Tenor il CEO Elio Paganini vegn il project realisà.

L'areal giatöglia

Legenda da maletgs: L'areal Gitöglia a Puntraschigna è sur la staziun da vart sanestra. RTR, V. Rominger

In preproject saja fatg. Adina en la discussiun cun la vischnanca da Puntraschigna che ha dà ina part dal terren a l'interpresa da Paganini cun in dretg da cumpra e recumpra limità. Premissa per quai che la vischnanca da Puntraschigna ha fatg il contract cun la Vepa Finanz AG è d'ina vart, ch'in center da cultura è part da la planisaziun, da l'autra ch'i dat emprimas abitaziuns pajablas.

50 enfin 60 milliuns francs

D'in tal volumen d'investiziun discurra Elio Paganini il mument. Quai saja dentant anc grev da dir. Il mument saja el vi da tractativas cun differents interessents, saja quai da vart dad interpresas, ma era interessents per las abitaziuns. Tiers quests tutgan tenor Elio Paganini differentas cassas da pensiun.

areal Giatöglia

Legenda da maletgs: Il mument sa chattan sin l'areal parcadis, in pitschen tancadi ed ina butia da sport RTR, V. Rominger

La stad pli concret

Tenor Paganini vegnia il project realisà. El haja blers buns interessents. Fin la stad duessan ils contracts esser fatgs.