Siglir tar il cuntegn
Inhalt

Engiadina Project d'implant da tir regiunal a S-chanf redimensiunà

Enstagl da 10 milliuns francs mo pli 2 fin 3.5 milliuns. Enstagl da tut las schibas pussaivlas, mo pli quai che fa propi da basegn. Uschia sa preschenta al mument il project d'in implant da tir regiunal per l ‘Engiadin’Ota a S-chanf. Anc avert è tge vischnancas che sa participeschan al project.

Flab
Legenda: L'implant da tir regiunal duess vegnir realisà sin l'areal da militar Flab a S-chanf. Posta Ladina

Avant 2 onns cura ch'igl era sin maisa la davosa giada in project per l'implant da tir regiunal, avevan mo pli 4 dad 11 vischnancas interess. Sper S-chanf anc Madulain, Zuoz e Zernez. Sche quai è sa midà, na saveva Duri Campell, il president communal da S-chanf, anc betg dir.

Spetgar sin decisiun pertutgant stan da tir da chatscha a Zernez

Per decider sch'ins vul realisar a S-chanf er in stan da chatscha, ston ins anc spetgar la decisiun dal chantun davart il diever futur da l'implant da tir a Zernez. Uschia Duri Campell envers RTR.

Sia finamira saja da preschentar il project anc quest'onn a la radunanza communala. Discussiunà vegn in implant da tir regiunal gia dapi il 2010.

RR actualitad mezdi