Siglir tar il cuntegn

Header

Navigaziun

Legenda: Guardar il video Project svilup regiunal Val Müstair sin buna via. Durada 01:55 minutas.
Or da Actualitad video dals 30.03.2017.
cuntegn

Engiadina Project chascharia, mazlaria e graun curt avant la realisaziun

L’agricultura da la Val Müstair è sin buna via da survegnir ina nova infrastructura per elavurar products agriculs. Prevesì è en la zona d’industria Müstair vest ina chascharia, in mazlaria e in lieu per elavurar il graun. Sco emprim duess cumenzar anc quest onn la fabrica da la chascharia.

Dapi plirs onns vegn discurri en la Val Müstair da quai project. Recurs, cumbats per permiss e finanzas han adina puspè bittà enavos il project. Ussa è grazia l’agid finanzial dal project da svilup regiunal che vegn sustegnì dal chantun sin buna via da vegnir realisaus.

Prioritad vegn dà a la chascharia

La chascharia veglia da Müstair na correspunda betg pli a las pretaisas d’igiena e da sanada dad ozendi. Perquai vegn ussa realisà sco emprim pass mo la chascharia. L'onn proxim è previs la fabrica dal lieu per elavurar graun e l'onn 2019 la mazlaria. Il project total chaschuna custs da stgars ocht milliuns francas da quels vegnan tranter 40 e 45% surpiglià dal chantun e da la confederaziun en il rom da project svilup regiunal.