Dus terzs dals giuvenils svizzers tranter 11 e 15 onns sa movan pli pauc ch’in ura al di, sur 17% paisan memia bler e bunamain la mesadad sa senta stressà en la vita.
Per mussar a giuvnas e giuvens che quai po er esser auter, ha il program da prevenziun Gorilla visità il stgalim aut da la scola Valsot e conturn.
Survegnir gust per moviment e nutriment saun
Tras differentas disciplinas dal sport da Freestyle pon ils giuvens emprender ina giada tut insatge nov. Tenor la manadra dal workshop da Gorilla, Annina Brühwiler, saja il Freestyle in sport nua che mintga giuvenil possia exprimer sasez e perquai è quel sport fitg adattà per ils workshops.
Ils manaders dals workshops han ina funcziun d’exempel per ils giuvenils e perquai prendan els sut la marella sper il moviment er temas sco nutriment. Uschia che giuvnas e giuvens survegnan gust da sa mover e da sa nutrir saun en moda simpla ed adattada per els.