Siglir tar il cuntegn

Header

Il logo da la Pro Engiadina Bassa
Legenda: Uss è l'ultim quint da l'organisaziun Pro Engiadina Bassa sin maisa. MAD
cuntegn

Engiadina Pro Engiadina Bassa cun minus da 2 milliuns

La Pro Engiadina Bassa serra ses ultim quint cun in deficit da passa 2 milliuns francs. Las expensas muntan a 4’384’620 milliuns francs e las entradas a 2’384’959 milliuns francs.

Tenor in communiqué da la conferenza dals presidents da la Regiun Engiadina Bassa / Val Müstair èn las expensas per 200'000 francs pli bassas che budgetà.

Sper il quint ha la conferenza dals presidents era approvà dus credits: in credit da 30'000 francs per il project «scolaziun regiunala» ed in credit da 15'000 francs per il project «mia Engiadina».

Ultra da quai ha la conferenza dals presidents

  • deliberà da l’adattaziun da las structuras per la planisaziuns da projects regiunals «agenda 2030»
  • approvà il project «Futur da s-chalin ot regiunal»
  • deliberà la posiziun e la procedura da consultaziun per la lescha da cultura
  • autorisà la regiun da vegnir activa en l’incumbensa da premis da lottarias
  • deliberà ina cunvegna da prestaziun globala che fixescha differentas incumbensas surdadas a la regiun

RR novitads 20:00