Pro Büvetta Tarasp è in pass enavant

Emprimas lavurs preparatoricas per la sanaziun da la Büvetta Nairs pon vegnir fatgas.

La Büvetta a Nairs sto vegnir sanada e la costa che è in moviment sto vegnir segirada

Legenda da maletgs: Büvetta Nairs Tarasp La Büvetta sto vegnir sanada e la costa che è in moviment sto vegnir segirada R, Mayer

Il stabiliment Büvetta è en in nausch stadi. Damai ch’igl è memia privlus d’entrar è il bajetg dapli blers onns vit. Ma il grond problem è in grip sur quel stabiliment. Ussa ha la vischnanca da Scuol approvà in credit da 30’000 francs per ch’ins possia segirar quella costa. Ils custs per far quellas lavurs da segirezza en calculadas cun radund 1,5 milliuns francs. Per la sanaziun dal stabiliment èn previs tranter 6 e 8 milliuns francs.

«  Tut la costa è en moviment ed il privel grond che quel grip croda sin il bajetg e donnega quel ferm. »

Werner Reichle
President Pro Büvetta Tarasp

Pro Büvetta Tarasp

Mardi saira è stada la radunanza generala da la Pro Büvetta Tarasp. Avant 3 onns è vegnida fundada la Pro Büvetta Tarasp. Ella vul mantegnair il bajetg istoric da la bavetta. Là rimnavan ins pli baud l’aua da l’En e la glieud vegniva a far curas.