Siglir tar il cuntegn
Inhalt

Engiadina Prix Bienvenu per l'hotel Allegra a Puntraschigna

Per la 6avla giada ha Svizra Turissem onurà ad Interlaken ils pli curtaschaivels hotels svizzers.

L'hotel Allegra a Puntraschigna.
Legenda: L'hotel Allegra a Puntraschigna tutga tar ils hotels, ils pli curtaschaivels. MAD, Svizra Turissem

Tranter ils quatter hotels ch'han survegnì il Prix Bienvenu ès er in grischun: En la categoria dals gronds hotels per vacanzas cun pli che 41 stanzas va l'hotel Allegra da Puntraschigna cun la plima. Il premi onurescha in service excellent ed ospitalitad vivida.

En las ulteriuras categorias èn vegnids premiads:

  • Hotel Glocke, Reckingen (VS) en la categoria hotels da vacanzas pitschens
  • Micro Hotel, Basilea (BS) sco pli amiaivel hotel da citad
  • The Omnia, Zermatt (VS) en la categoria hotels da luxus

L'uschenumnà Prix Bienvenu survegnan quests manaschis che persvadan il pli fitg puncto ospitalitad en valitaziuns che giasts fan online sco er suenter visitas da la giuria. Il premi è vegnì surdà l'emprima giada il 2103.

RR novitads 07:00