La via d'Engiadina tranter Brail e Zernez vegn en l'avegnir segirada cun in sistem da sajettar lavinas artifizial. La regenza grischuna ha dà glisch verda al project da l'Uffizi chantunal da construcziun bassa. Quel prevesa indrizs fixs.
Il traject da la via è periclità en 11 lieus da lavinas. Quai han mussà las examinaziuns da l'institut da naiv e lavinas a Tavau. Fin ussa vegnivan quellas lavinas sajettadas ord il helicopter. Questa varianta haja dentant intgins dischavantatgs, scriva la regenza.
Perquai il chantun approvà il nov project che prevesa da sajettar las lavinas cun indrizs fixs sur la naiv. Il project che custa 750'000 francs duai esser realisà fin l'auter onn.
RR novitads 09:00