Siglir tar il cuntegn

Header

cuntegn

Engiadina President da la regenza Grischuna visita l’ospital Scuol

Il president da la regenza Grischuna Christian Rathgeb visita durant il 2016 tut ils 11 ospitals en Grischun. Quai per mussar l’impurtanza dals ospitals regiunals era en avegnir.

Il Center da sanadad da l’Engiadina Bassa è il prim ospital regiunal ch'il president da la regenza Christian Rathgeb visita. Durant l’onn fa el la visita tar tut ils 11 ospitals dal chantun.

Finanzas, persunal e collavuraziun externa

Cun la visita en ils singuls ospitals vul il chantun mussar l’impurtanza dals ospitals regiunals. I vala d’optimar tut las sinergias pussaivlas tranter chantun, ospital chantunal ed ils ospitals regiunals. Ils custs en la sparta da sanadad creschan ad in crescher e senza stretga collavuraziun na fiss quai betg pussaivel da surviver en il futur.

Telemedischina ha avegnir

A l'occasiun da la visita a Scuol han ins laschà preschentar il pli nov acquist en l'ospital – la telemedischina. Spezialists da tut il mund han uschia la pussaivladad da vegnir contactads en cas d’accidents e malsognas cumplexas. Quai saja ina purschida impurtanta per mantegnair la qualitad da sanadad en las regiuns periferas, han ditg ils responsabels.

RR actualitad 17:00

Artitgels legids il pli savens