Siglir tar il cuntegn

Header

video
Corvatsch, Diavolezza e Lagalb sut in tetg - Piz Nair separà
Or da Telesguard dals 03.02.2017.
laschar ir. Durada: 3 minutas 53 Secundas.
cuntegn

Engiadina Preschentaziun dal 'nov mund alpin' Corvatsch, Diavolezza, Lagalb

La fusiun da las pendicularas Corvatsch cun Diavolezza e Lagalb stat avant porta. Gia uss ha la nova possessura da las duas pendicularas, la Corvatsch SA, celebrà la fusiun ch'è lura realitad il zercladur.

Cun ina festa tut spectaculara ha la Corvatsch SA festivà il barat da la regiun Piz Nair culla regiun Diavolezza/Lagalb.

Ils giasts a la festa sin la staziun da mez da la pendiculara Corvatsch èn stads cun bucca averta. In parasgulader siglia ord in helicopter e simbolisescha in corv per la regiun Corvatsch. In artist taglia ord in glatsch ina muntogna e quella simbolisescha la regiun Lagalb e per finir ha giugà ina ballerina cul fieu e simbolisescha il diavel, per la regiun Diavolezza.

audio
Preschentaziun dal 'nov mund alpin' Corvatsch, Diavolezza, Lagalb
ord Novitads dals 03.02.2017.
laschar ir. Durada: 2 minutas 23 Secundas.

Ensemen culla show spectaculara han ils responsabels era mussà uffizialmain il nov logo da las trais interpresas. Mintga regiun, saja quai Covatsch, Lagalb ed era Diavolezza survegnan in agen logo. Per far la lavur da marketing e reclama vegnan quels però fusiunads ad in logo cun amez la bandiera svizra.

La fusiun uffiziala da las 3 regiuns ha lieu al principi da zercladur 2017.

RR actualitad 08:00

Artitgels legids il pli savens