Premiera Hotel Victoria: «Igl era propi Vico»

La premiera dal musical «Hotel Victoria» en l'hotel Reine Victoria a San Murezzan è dal tuttafatg gartegiada. La sala era quasi occupada fin sin l'ultima sutga. Tuts èn vegnids per giudair il musical da Vico Torriani.

Laschar ir video «Reacziuns suenter musical»

Reacziuns suenter musical

3:01 min, dals 25.2.2016

Tuts èn vegnids per giudair il musical che lascha reviver il multitalent, grond showmaster, entertainer, chantadur, star da film e da televisiun Vico Torriani. Musica e saut dals onns 1960/70 enramada cun ina pluna enconuschentas chanzuns ed in'istorgia che mussa in'autra fassetta da la vita dal star engiadinas, Vico Torriani.

Ins po davaira dir che questa premiera dal musical da Felix Benesch e Ludger Nowak «Hotel Victoria» a San Murezzan è dal tuttafatg gartegiada. I dat bleras reacziuns positivas.

Acturs han persvadì

Ils dus actus Samuel Zünd e Christian Jott Jenny che han surpiglià la figura da Vico Torriani han omadus persvadì. La sumeglientscha saja stada fitg autentica:

«  Igl era propi Vico »

Persvadì ha era Simon Klucker, che ha giugà e chantà la rolla da Vico sco mat. Restà en memoria è a blers la chanzun «Chara Lingua» che ha commuventà.

Laschar ir video «Grond resun per Simon Klucker sco Vico Torriani»

Grond resun per Simon Klucker sco Vico Torriani

2:46 min, dals 25.2.2016

RR actualitad mezdi 11:00