Siglir tar il cuntegn

Engiadina Premi da promoziun culturala per Göri Klainguti

La cumissiun che promova la cultura en Engiadin’Ota propona al parlament da surdar il premi 2015 a Göri Klainguti. L’autur e scriptur da Samedan saja s’engaschà fermamain durant decennis a favur da la lingua rumantscha.

Göri Klainguti
Legenda: Distincziun per l'autur engiadinais Göri Klainguti RTR

L’um da 70 onns ha scrit numerus texts umoristics sco er criminals ed el è co-redactur dal Chalender Ladin. Il premi da reconuschientscha è dotà cun 8’000 francs.

Premi per Laura Zangger e Curdin Nicolay

En la sparta musica e litteratura vul la cumissiun surdar a la Samedrina Laura Zangger il premi da promoziun da 4’000 francs. La musicista professiunala s’engascha en differents chors, bands, ensembles ed orchesters. Plinavant duai er il musicists Curdin Nicolay da Bever survegnir quest onn in premi da reconuschientscha.

La surdada dals premis ha lieu en in rom festiv ils 30 d’october 2015 a Samedan.