Siglir tar il cuntegn
cuntegn

Engiadina Premi cultural d'Engiadin'Ota vegn surdà

Il premi è dotà cun 8'000 francs e vegn surdà dal circul d'Engiadin'Ota. Quest onn a Werner Steidle. El ha 61 onns e s'engascha dapi 30 onns sco magister da musica e dirigent en Engiadin'Ota.

Werner Steidle
Legenda: Werner Steidle era stut ch'el survegn il premi e sa legra fitg RTR, Anna Caprez

Werner Steidle vegn undrà cun il premi cultural 2016 per ses engaschi sco dirigent, musicist, organist e surtut per ses merits sco magister da musica e promotur da la furmaziun musicala en Engiadin'Ota.

Werner Steidle ha 61 onns, è creschì si a Constanza e viva dapi la scola secundara a San Murezzan. Là ha el fatg in giarsunadi sco electrodissegnader. Suenter ha el studegià al conservatori Winterthur orgla, clavazin e clarinetta. Dapi il 1987 s'engascha el sco magister da musica e maina divers chors. Cun sia lavur enritgescha el la vita culturala en Engiadin'Ota, uschia la cumissiun da cultura.

Aita Bott ha pudì prender encunter il premi da promoziun da 4'000 francs per ses engaschi en la sparta design.