Siglir tar il cuntegn
cuntegn

Engiadina Potenzial pussaivel en il turissem da sanadad

Il turissem da sanadad vala sco schanza futura per il turissem grischun. Infurmaziuns sur da la realisaziun concreta da quel èn però raras. In’emprima orientaziun en quella direcziun duai dar la conferenza “Sanadad e turissem” in Engiadin’Ota.

Logo Gesundheit & Tourismus
Legenda: La sanadad ha tenor Christian Gartmann in grond potenzial da svilup in Grischun Gartmann.biz

Surtut giasts da l’ester ma er svizzers che han in tractament medicinal in Grischun, quintan tar il potenzial futur per il turissem en il chantun da vacanzas.

A la conferenza a Puntraschigna èn represchentads medis, differentas clinicas che sa vulan vender, turistichers ed hoteliers. La finamira è tenor l’iniziant da l’inscunter, Christian Gartmann, ch’ins survegn ina emprima survista da las pussaivladads sin il champ da sanadad en connex cun il turissem.

Medicina, turissem e politica

Gartmann ha organisà la conferenza “sanadad e turissem” sin atgna iniziativa cun giasts e referents da la medicina, il turissem ed er or da la politica. Quai per evaluar tge schanzas ch’ins vess cun sviluppar e realisar ideas e projects il sectur da turissem da sanadad.

La conferenza ha lieu ils 7 da settember 2015 en il Rondo a Puntraschigna.